XULIO LORENZO

3
86
XULIO LORENZO

Xulio Lorenzo presenta o seu novo traballo discográfico, Volver Soñar. Un disco diferente con novas cores musicais, novas composicións e como sempre rodeado de grandes profesionais e sobre todo de grandes amigos.1

Como no primeiro disco, Xulio compón a maioría de temas e coa axuda de Diego Bea Besada como productor musical dan vida a este novo traballo que de seguro gustará a todolos públicos con temas alegres, cheos de historias e sobre todo de emocións e sentimentos.

Unha parte esencial deste novo disco son sin dúbida algunha os artistas convidados.

Un elenco de grandísimos músicos que poñen a guinda perfecta a un traballo orquestado en todo momento por Diego Bea Besada, productor e gran amigo.

Belém Tajes (Vudú), Marisé Balado, Pandereteiras Arume, Estela Rodríguez, Margarida Mariño, Marcos Campos (Arxe), Diego Calviño, Iván Blanco, Diego Cabaleiro, Cibrán Seixo e Andrés Penabad xunto cos músicos da banda XL, Carlos Castro, Roberto Comesaña, Diego Bea e Adrián Blanco fixeron posible éste novo disco de Xulio Lorenzo e así…Volver Soñar.

Concierto de música folk con 80% de temas de composición propia, temas galegos e celtas. O espectáculo dura 90 minutos aproximadamente.

O repertorio inclue temas do seu primeiro traballo discográfico Cantos da Ialma (2017) temas do novo disco Volver Soñar e temas especiais de directo, Muiñeiras, Xotas, Pasacorredoiras…

Acompañado de máis artistas convidados, bailarins, pandereteir@s, gaiteiros,…

Xulio Lorenzo é un músico e compositor Galego nacido en Louredo, unha parroquia do Concello de Mos na provincia de Pontevedra.

Comeza o estudio da gaita en 1992 na casa do Pobo (Centro Cultural de Louredo) da man de gaiteiros de renome do lugar. En 1997 pasa a ser integrante da Banda de gaitas Xarabal de Vigo, dirixida polo Mestre de Mestres, Antón Corral.

Como compositor, é autor de varias obras tanto para gaita como para frauta doce o whistle destacando a “Muiñeira de Mos”  e a “Alborada Camiño da Rosa”dedicadas o seu Pobo, ésta última, presentada coa colaboración dos grupos de gaitas de Mos. Máis de 80 músicos interpretaron a “Alborada Camiño da Rosa” no día da súa presentación. A Alborada Camiño da Rosa, foi nomeada Himno Municipal do Concello de Mos, no pleno celebrado o día 18 de decembro do 2017.

No 2015 comeza unha aventura musical no Brasil, unha xira de tres meses da man do grupo Gaiteiros de Lume. Con eles participa en concertos por todo o estado así como na  gravación do segundo álbum dos músicos curitibanos.

Xa de volta en Galicia e convidado a viaxar de novo, esta vez a Italia onde fai unha xira polo sur acompañando ó grupo Napolitano Brigan.

A finales de 2015 decide dar forma as súas propias composicions reunindo con él un equipo formado por grandes músicos do panorama musical actual, é así como nace Cantos da Ialma (2017).

 

share
Menu Title