BATITAL-MÚSICA PEREGRINA

46
1227
BATITAL-MÚSICA PEREGRINA

“MÚSICA PEREGRINA”18052018-_VLS8159

Non é un concerto ao uso, senón unha experiencia, un espectáculo deseñado para evocar sentimentos no peregrino e unir aos distintos pobos que conflúen nesta ruta milenaria a través da música.

Un dos obxectivos da iniciativa é achegar valor engadido ás localidades de paso do Camiño e conseguir que a breve estancia dos peregrinos en cada unha se converta nunha experiencia única, que permaneza gravada na súa memoria.

Deste xeito, as horas mortas entre a súa chegada a cada cidade, o descanso e a saída de novo, tomarán vida en forma de agasallo e celebración. A música daralles a benvida como o mellor analxésico natural para todas as dores acumuladas no seu corpo tras xornadas de sacrificio.18052018-_VLS8215

Como non podería ser doutra maneira, estes concertos son abertos a todo o público de cada cidade ou visitantes que decidan achegarse a gozar cun espectáculo innovador. Pretende ser “unha recompensa cultural e de lecer ao esforzo de cada peregrino do Camiño de Santiago”.

A presentación conta con 16 temas coidadosamente elixidos de entre as nación que achegan máis peregrinos ao Camiño, interpretados en dez idiomas: español, francés, italiano, coreano, ruso, portugués-brasileiro, alemán, éuscaro e catalán.

BATITAL: O GRUPO

O Grupo, que é o encargado de poñer música e voz a todo o espectáculo, foi creado no ano 2007 por Fran Muinelo.

Interpreta músicas do mundo, conservando as raíces da música tradicional galega, fusionada cos máis variados estilos.

Violín, mandolina, guitarra, baixo, ukelele, acordeón, buzuki, vibráfono e batería, coas más variadas percusións do mundo, son o abano de instrumentos que soan ao logo de todo o concerto de Música Peregrina.18052018-_VLS8359

Todo elo interpretado por músicos profesionais de gran prestixio: Iria Estévez, Marco Men Doza, Yuri Sidar, Carlos Martínez, Omelyan Grabets, Pablo Expósito e Fran Muinelo.

 

 

 

share
Menu Title